Arabeg yuzev-tripolek

Ur yezh semitek ar c'hreiz eus isskourr ar yezhoù arabek eo an arabeg yuzev-tripolek (tripolita'it pe yudi) komzet gant tro-dro da 35 000 den en holl en Israel (30 000 den e 1994) hag en Italia.

Daoust ha ma oa genidik ar yezh-se eus Tripolitania e Libia ne vez ket komzet gant den ebet ken eno.

Tost eo un tamm d'an arabeg yuzev-tuniziek ha d'an arabeg yuzev-marokek. Ne vez ket komprenet avat gant tud a gomz arabeg yuzev-irakek.

Skrivet e vez gant al lizherenneg hebraek.